Месяц: Январь 2026

Ақтау қаласы бойынша білім бөлімінің «Р.Қабылов» атындағы N3 жалпы білім беретін мектебі «Еңбегі адал-жас өрен» жобасы аясында ұйымдастырылған «Мамандықтар марафоны» қолөнер жұмыстарын бағалау үшін, бөбекжайымыздың бейнелеу өнері маманы — Сагындыкова Гулдана Даулеткелдиевна әділқазылар мүшелігіне шақырылды. Жоғары деңгейде өткен байқау қорытындысы нәтижесін жариялаған қазылар алқасы жеңімпаздарды дипломдармен марапаттап, қатысушыларға алғыстарын білдірді.

№2 арнаулы әлеуметтік қызметтер көрсету орталығында бейнелеу өнері жетекшісі Сагындыкова Г.Д. Эбру технологиясы бойынша өткізді. Шебер-сынып барысында қызмет алушылар Эбру технологиясымен танысып, белсенді түрде қатысып, үлкен әсер алды. Іс-шара соңында қатысушылар ұйымдастырылған шебер-сынып үшін жетекшіге өз алғыстарын білдіріп, мұндай шығармашылық іс-әрекет жиі өткізілуін тілейтіндерін айтты.

N10 «Толқын» бөбекжай мен «Нұртас Оңдасынов» атындағы N5 орта мектеп арасындағы сабақтастығы қамтамасыз ету мақсатында мектепалды тобының тәрбиешілері Оразова К.Б., Ахмедова В.И. мектепке барып 1 сыныбында өткізілген ашық сабаққа қатысты. Ашық сабақ барысында оқытудың әдіс-тәсілдері, оқушының оқу әрекетін ұйымдастыру жолдары, бағалау және кері байланыс беру формалары талқыланды.